Tribunál Revizaun Administrativa mak órgaun independente ida ne'ebé bele halo revizaun ba desizaun oioin ne'ebé mak halo husi departamentu, ajénsia ka ministériu Governu Austrália nian. Se Ita-boot la konkorda ho desizaun ida, Ita-boot bele husu ami atu halo revizaun.

Karik Ita-boot presiza durubasa ida kuandu:

• Ita-boot hakarak husu pergunta sira kona-ba Ita-boot nia kazu ka ami-nia prosesu sira
• ami husu ona ba Ita-boot atu hola parte iha audiénsia, konferénsia ka enkontru ruma kona-ba Ita-boot nia kazu.

Ba audiénsia ka konferénsia ida

Se lian Inglés la'ós Ita-boot nia lian inan no ami husu Ita-boot atu hola parte iha audiénsia ka konferénsia iha Tribunál, Ita-boot bele husu ami atu arranja durubasa ida ba Ita-boot. Ami sei selu ba durubasa ne’e.

Se ami haruka karta ka email ruma ba Ita-boot, favór lee instrusaun sira lai no antes loron ba audiénsia ka konferénsia ne’e, fó-hatene ami se Ita-boot presiza durubasa ida.

Ita-boot labele husu parente ka belun ida atu sai hanesan Ita-boot nia durubasa iha audiénsia ka konferénsia ida.

Kontaktu ami

Ita-boot bele uza Servisu Tradusaun no Interpretasaun (TIS) atu ko'alia ho ami iha Ita-boot nia língua hodi selu kustu ba xamada telefone lokál.

Antes Ita-boot bolu, foti informasaun ka karta ruma husi Tribunál hodi bele refere ba informasaun ne’e.

1. Bolu ba TIS iha 131 450 (ka +61 3 9268 8332, se Ita-boot iha rai-li'ur).
2. Fó-hatene operadór:
   • Ita-boot nia língua
   • ami nia naran (Tribunál Revizaun Administrativa)
   • ami nia númeru telefone (1800 228 333) 
3. TIS sei liga Ita-boot ba ami. Ami loke husi tuku 8.30 dadeer to'o tuku 5 lokraik.

Ami-nia website iha ferramenta ida neʼebé bele tradús informasaun ba língua balun. Maioria browser internet nian mós iha konfigurasaun sira atu ajuda Ita-boot lee testu iha Ita-boot nia lian.

Informasaun importante

Tanba testu ruma ne'ebé Ita-boot tradús hodi uza ferramenta automátiku ida mak la uza ema ida atu halo tradusaun ne’e, dala ruma tradusan mak la loos. Ita-boot tenke hetan ajuda liután se presiza uza informasaun ne'ebé tradús ona ba asuntu legál sira.

Bainhira uza ferramenta iha ami-nia website, ne'ebé fornese liuhusi empreza ida naran ReadSpeaker, ferramenta tradús testu ruma hodi uza Google Translate nia software tradusaun nian. Ami halo ona esforsu razoavel atu fornese tradusaun ida ne'ebé loos, maibé, laiha tradusaun automatizadu ida ne'ebé perfeitu no tradusan automatizadu la bele kumpre loloos tradutór umanu sira-nia papel. Ami fornese tradusaun sira hanesan servisu ida ba utilizadór ba website ida-ne'e, no la fó garantia ba tradusan ne’e. La iha garantia ruma, espresa ka implísita, ne'ebé maka halo kona-ba ezatidaun, konfiabilidade, ka koresaun. ReadSpeaker ka Tribunál Revizaun Administrativa la iha responsabilidade ba tradusaun ida.

Oinsá atu tradús

Instrusaun iha kraik aplikavel ba maioria instrumentu ho ekran boot hanesan komputadór desktop sira.

1. Uza mouse no kursór atu destaka testu ne'ebé ita hakarak tradús. Kaixa ida ho opsaun 3 sei mosu.

   

   Tribunál ne'e kompostu husi funsionáriu no membru sira. Funsionáriu sira mak hanesan funsionáriu ba Funsaun Públika Austrália nian no membru sira, ema sira ne'ebé hala’o kazu sira no ikusmai foti desizaun ruma, maka titulár kargu estatutáriu sira. 

   Lidera ba organizasaun ne'e mak Prezidente ida ne'ebé maka responsavel atu jere Tribunál nia asuntu sira no asegura katak Tribunál funsiona ho efisiente no efetivu hodi tuir ami nia objetivu sira. 
   Tuir lei, tenke foti juis ida husi Tribunál Federál atu sai hanesan Prezidente. 

2. Hili ‘Translate’ no depois buka ka scroll tun ba lista atu hetan ita-nia língua.  

   

   Rona
   Disionáriu
   Tradús
   Buka língua
   Árabe
   Xinés (Mandarin)
   Dinamarka
   Olandés 
   Inglés
   Finlandés
   Fransés
   Alemaña
   Gregu

3. Testu ne'ebé ita destaka ona sei tradús kedas bainhira hili ita-nia língua. Iha ezemplu ida-ne'e, ami hili lian Árabe.

   

   Favor nota bá: testu ne'e tradús ona ho objetivu atu ajuda Ita-boot, no ami uza Google Translate nia software tradusaun nian. Ami halo ona esforsu razoavel atu fornese tradusaun ida ne'ebé loos, maibé, laiha tradusaun automatizadu ida ne'ebé perfeitu no tradusan automatizadu la bele kumpre loloos tradutór umanu sira-nia papel. 

   Ami fornese tradusaun sira hanesan servisu ida ba utilizadór ba website ida-ne'e, no la fó garantia tradusan ne’e. La iha garantia ruma, espresa ka implísita, ne'ebé maka halo kona-ba ezatidaun, konfiabilidade, ka koresaun. ReadSpeaker ka na'in ba website la iha responsabilidade ba tradusaun. 

   Ha'u komprende

   Taka