Na mataveilewai ni Administrative Review Tribunal e matabose tu vaka i koya ka rawa vua me vakadikeva lesu na vei vakatulewa mai na vei tabana kece, na vei valenivolavola kece se na vei tabana ni i lesilesi vaka matanitu ko Ositerelia. Kevaka ko sega ni duavata kei na kena tauci e dua na vakatulewa, e rawa ni ko vola kerekere mai me dikevi lesu na vakatulewa koya.

Ko na gadreva beka e dua na dau vakadewa vosa ena gauna:

• ko via taro vei keitou me baleta na nomu kisi se na neitou i tosotoso 
• keitou kerei iko kina mo mai vakaitavi ena rogoci ni kisi, na kena bosei se dua na sotasota me baleta na nomu kisi. 

Na rogoci se na kena bosei

Kevaka ko sega ni vosataka na vosa vaka Peritania ko qai kerei mo vakaitavi ena rogoci se bosei ni kisi ena Mataveilewai oqo, e rawa ni ko kerea me keitou vakarautaka e dua na dau vakadewa vosa ena vukumu.  Keitou na saumi koya na dau ni vakadewa vosa.

Kerei tiko mo wilika vaka vinaka nai vakasala ena i vola e volai yani vakaliga se volai yani ena mona livaliva keitou vakauta yani ka mo qai vakatakila mai vei keitou kevaka ko gadreva e dua na dau ni vakadewa vosa ni se bera na siga ni rogoci se bosei ni kisi. 

E rawa ni ko kerea e dua na nomu i tokani se wekamu me vakadewa vosa vei iko ena gauna ni rogoci se bosei ni kisi.

Na veitaratara mai vei keitou

Ena i sau ga ni dua na qiri, e rawa ni ko qiriti iratou na Dauniveiqaravi Ena Vakadewa Vosa (TIS) mo vosa mai kina vei keitou ena nomu vosa.

Ni se bera ni ko qiri, me sa tiko rawa vei iko na vei tukutuku se i vola mai vei iratou na Mataveilewai.

1. Qirita na TIS ena 131 450 (se +61 3 9268 8332, ke ko tiko mai vanua tani).
2. Me tukuni vua na dauniveiqaravi ena talevoni:
   • na nomu matavosa
   • na yaca i keitou (na Administrative Review Tribunal)
   • neitou naba ni talevoni (1800 228 333)  
3. Na TIS e ratou na qai semati iko mai vei keitou.  Keitou dola tiko mai na 8.30 ena mataka ki na 5 ena yakavi.
    

Na neitou vatavata livaliva e sa vei vakarautaki tu kina me vakadewa vosa ki na levu tale na vei matavosa.  E tiko e levu na vei tikina ena mona livaliva me vukei iko mo wili volavola ena nomu matavosa.

Tukutuku Bibi

Na vei volavola ko vakadewataka ena nomu vakayagataka na i tuvatuva sa vakarautaki rawa tu e sega ni vakadewataka tiko e dua na tamata ka rawa ni yaco me tiko kina eso nai vakavakadewa e sega ni donu.  Sa yaga mo vakasakaqara veivuke kevaka ko na vakararavi tiko kina i tukutuku oqori ena vuku ni vei ka vaka lawa.

Ni ko vakayagataka na i tuvatuva sa vakarautaki rawa tu ena neitou vatavata livaliva, ka veivuke mai kina na kabani ka vakayacani tiko na ReadSpeaker, na volavola e vakadewataki tiko ena kena vakayagataki na software ka sucu tiko mai na Google Translate.  E sa vakayagataki vinaka na gauna me sagai me vakarautaki na i vakavakadewa donu, ia na vakavakadewa vakarautaki ena mona livaliva ena sega sara ni donu vakataucoko, ka sega talega ni kena i naki me sosomitaka vaka tamata e dua na dau ni vakadewa vosa.  Na vei vakavakadewa e vakarautaki me veiqaravi vei ira era dau vakayagataka na vatavata livaliva oqo, ka na tauri ga me vaka sa vakarautaki ‘rawa tu’. E sega ni dua na kena i vakadei me tukuna vei keda ni da na rawa ni vakararavi kina se sa donu tu nai vakavakadewa oqori.  Ko i rau na ReadSpeaker se na Administrative Review Tribunal e rau galala mai nai colacola me rau vakacolati rau ena saumi taro ena kena donu se cala na vakavakadewa.

Mo vakavakadewa vakacava

Nai vakasala tuvani koto oqori e ra ena cakacaka vaka vinaka ena mona livaliva ka dabe ena dela ni desi ni mona livaliva.

1. Vakayagataka na nomu mouse se cursor mo vakavotuya kina na vei volavola ko via vakadewataka. Ena laurai mai e dua nai tuvatuva ka volai tiko kina e 3 na digidigi. 

   

   Era lewe tiko ni Mataveilewai ko ira na tamata cakacaka kei ira na member.  Ko ira na tamata cakacaka era cakacaka tiko ena ruku ni  Australian Public service kei ira na member, ko ira ka ra rogoca ka vakatulewa ki na dua na kisi e rogoci, sa i ira na vaka i tutu lesi vaka lawa.  

   Nai soqosoqo e veiliutaki tiko kina na Peresitedi, ka nona i tavi me qarava na kena cicivaki na Mataveilewai ka me vaka raica tiko na kena cicivaki vaka vinaka ka vaka dodonu ena kena vakamuri deivaki  nai tuvatuva sa vakadavori oti tiko mai ka sala vata kei nai naki ni Mataveilewai.  

   Vaka lawa, na Peresitedi me dua na Daunilewa mai na Mataveilewai E Cake Ni Matanitu. 

2. Digitaka eke na ‘Translate’ ka qai vakasaqara sobu na nomu matavosa.  

   

   Rogoca
   Ivolavosa
   Vakadewataka
   Vakasaqara na matavosa
   Vosa vaka Arapea
   Vosa vaka Jaina (Mandarin)
   Vosa vaka Denmark
   Vosa vaka Poladi  
   Vosa vaka Peretania
   Vosa vaka Finland
   Vosa vaka Varanise
   Vosa vaka Jamani
   Vosa vaka Kiriki

3. Na volavola ko sa vakavotuya ena vakadewataki ena gauna ko sa digitaka kina na matavosa.  Na kena i vakaraitaki eke, keitou digia na vosa vaka Arapea.

   

   Raica matua: e sa vakadewataki tu na volavola oqori me vukei iko ena nomu vakayagataka na vakavakadewa ena software ka sucu mai ena Google Translate.  E sa vakayagataki vinaka na gauna me sagai me vakarautaki na i vakavakadewa donu, ia na vakavakadewa vakarutaki ena mona livaliva ena sega sara ni donu vakataucoko, ka sega talega ni kena i naki me sosomitaka vaka tamata e dua na dau ni vakadewa vosa.  

   Na vei vakavakadewa e vakarautaki me veiqaravi vei ira era dau vakayagataka na vatavata livaliva oqo, ka na tauri ga me vaka sa vakarautaki ‘rawa tu’.  E sega ni dua na kena i vakadei me tukuna vei keda ni da na rawa ni vakararavi kina se sa donu tu nai vakavakadewa oqori.  Ko i rau na ReadSpeaker se na Administrative Review Tribunal e rau galala mai nai colacola ni saumi taro ena kena donu se cala na vakavakadewa. 

   Sa matata vei au 

   Sogo Na